انڈین جرنلسٹ ایسوسی ایشن نے سیلاب متاثرین کے لیے مدد کا ہاتھ بڑھایا۔

صحافیوں نے خود اور عوامی تعاون سے سیلاب متاثرین میں امدادی سامان تقسیم کیا۔

بلیا، بیگوسرائے، بہار۔

انڈین جرنلسٹ ایسوسی ایشن بیگوسرائے کے عہدیداروں نے بلیا کے علاقے دیارہ میں سیلاب کی ہولناکیوں کو دیکھتے ہوئے سیلاب متاثرین کے لیے مدد کا ہاتھ بڑھایا۔ اس کے تحت انڈین جرنلسٹ ایسوسی ایشن بیگوسرائے کی جانب سے اپنے طور پر اور عوامی تعاون سے سانہا گورگاما ڈیم پر پناہ لینے والے سیلاب متاثرین میں امدادی سامان تقسیم کیا گیا۔ اس سلسلے میں انڈین جرنلسٹ ایسوسی ایشن بلیا سب ڈویژن کے صدر پرمود کمار چودھری نے بتایا کہ کوآپریٹو بینک کے صدر نریندر سنگھ اور نائب صدر کمل کشور سنگھ نے سیلاب زدگان کی مدد میں خصوصی تعاون کیا۔ انڈین جرنلسٹ ایسوسی ایشن کے عہدیداروں نے سیلاب متاثرین میں گڑ اور بسکٹ تقسیم کئے۔
اس موقع پر انڈین جرنلسٹ ایسوسی ایشن کے ضلع جنرل سکریٹری راکیش سنگھ، ضلع خزانچی فروغ الرحمان، سب ڈویژن صدر پرمود کمار چودھری، کرشننندن سنگھ، کرشن کمار رائے، شیام ناتھ جھا، انیکیت کمار سمیت کئی صحافی موجود تھے۔